رانئين جهانئين: هيءَ رسم ماءُ ٻار کي گھر کان ٻئي ڳوٺ ڏانهن کڻي وڃڻ مهل ادا ڪندي آهي. هيءَ رسم تڏهن ادا ڪئي ويندي آهي، جڏهن ڪنهن ٻار جي جهنڊ لاهڻ کان اڳ ماءُ کي ڪنهن عزيز يا مائٽ جي دعوت يا ڪنهن ٻي سبب جي ڪري ٻاهر وڃڻو پوندو آهي ته ماءُ پنهنجي ٻار کي ڪنهن ڪپڙي ۾ ويڙهي هنج ۾ کڻندي آهي ۽ ٻئي هٿ ۾ ٽي يا ست پٿر کڻندي آهي ۽ رستي تان هلندي چوندي آهي ته:
رانئين جهانيئن جهنگ ۾،
فلاڻو منهنجي هنج ۾!
ائين چئي هڪ هڪ ڪري پٿر پنهنجي مٿي تان گهوري پٺيان اڇلائيندي ويندي آهي ۽ پوئتي مڙي نه ڏسندي آهي. ان قسم جي رسم کي ’رانئين جهانئين‘ سڏبو آهي.